Бурабайда саңырауқұлақтар маусымы басталды. Ұлттық парк мамандары саңырауқұлақ терудің 5 ережесін айтып берді, деп хабарлайды Egemen.kz.
Ұлттық паркте саңырауқұлақ маусымы жаздың ортасынан басталып, күздің ортасына дейін жалғасады. Биыл жаңбыр көп жауғанына байланысты ормандарда саңырауқұлақтар көп шықты.
Табиғи паркте жеуге жарамды саңырауқұлақтар өте көп: ақ түсті саңырауқұлақ, қайың саңырауқұлақ, терекқұлақ, қызыл саңырауқұлақ, майқұлақ, мүкқұлақ, томарқұлақ, сазқатпа, арыш, қозықұйрық. Бұл саңырауқұлақтар ерекше сұранысқа ие.
Саңырауқұлақтарда ақуыздар, майлар, түрлі минералды тұздар мен фосфор қышқылы, сондай-ақ А, В1, В2, С, D, PP1 дәрумендеріне бай.
Саңырауқұлақ жинаудың негізгі қағидалары:
• Киім жылы, ыңғайлы және жеңіл болуы керек. Басыңыз бен денеңіздің барлық бөліктері жабық болуы қажет, бұл жәндіктерден, соның ішінде кенелерден қорғайды.
• Саңырауқұлақ теруші саңырауқұлақтардың улы түрлері себетке түспеуі үшін өте мұқият болуы керек. Егер жеуге жарамды екеніне сенімді болмасаңыз, саңырауқұлақты алмаңыз.
• Жинау кезінде жалғыз тұрған саңырауқұлақтарды түбінен бұрап алыңыз. Егер саңырауқұлақтар топтасып өссе, оларды кесіңіз.
• Орманға кіргенде саңырауқұлақтардың өсу орнына зиян келтірмеу үшін таяқ қолданыңыз. Саңырауқұлақтардың өсу орнын бұзуға болмайды.
• Егер саңырауқұлақ жинау тәжірибеңіз аз болса немесе алғаш рет жинап жатсаңыз, тәжірибелі саңырауқұлақ жинаушымен бірге барған жөн. Ол сізді ормандағы қателіктерден сақтап, жиналған өнімді қалай дұрыс әзірлеу керектігін айтады.